ಪ್ರೀತಿಯ ಬೆಳಕು

ಕಾರಣ ಹೇಳದೆ ಹೋದೆ
ಸ್ವಪ್ನದಿಂದ, ಎಲ್ಲಿ ಹುಡುಕಲಿ ನಿನ್ನ?
ನೂರೊಂದು ನೆನಪಿನ ಬುತ್ತಿ
ಕಟ್ಟಿ, ಅಳಿಸದೇ ಹೋದೆ ಏಕೆ?
ನಿನ್ನ ಪ್ರೀತಿಯ ಬಾಣ
ರಾಡಿಗೊಳಿಸಿತು ನನ್ನ ಮನದ
ಕಡಲ, ಕಾಡುವ ಕನಸು-ನೆನಪಿನೊಳಗೆ
ಬಂದಿಸಿ, ನೀ ಮಾತ್ರ ಕಾಣದ
ಚುಕ್ಕಿಯಾಗಿ ಹೊಳೆಯುತಿರುವೆ, ಇನ್ನು
ಪ್ರೀತಿಯ ಕಾರಾಗೃಹದಲ್ಲಿ ಬಂದಿ ನಾನು
ಕಳೆದ ‘ನೆನಪ’ ಬಯಸಲೋ?
ಬರುವ ‘ಸ್ವಪ್ನವ’ ಕಾಯಲೋ?
ಉತ್ತರವಿಲ್ಲದೆ, ಈ ‘ಪ್ರೀತಿ’ ಕಾಯುತಿದೆ
ನಿನಗಾಗಿ, ಎಲ್ಲಿ ಅದೃಶ್ಯವಾಗಿರುವೆ?
ರಾತ್ರಿ ಹಗಲೆನ್ನದೆ ಆಗಸವ
ದಿಟ್ಟಿಸಿರುವೆ, ಸಹಸ್ರ ಚುಕ್ಕಿಗಳ
ಮಾಯಾ ಮಂಟಪದಲ್ಲಿ, ಜೀವ
ತಳೆಯುವ ನಿನ್ನ ಪ್ರೀತಿಯ ಬೆಳಕಿಗೆ

-ವಿಶ್ವ ಕೀರ್ತಿ ಎಸ್
೨೩.೦೩.೨೦೧೮

 

Advertisements

Let’s question it’?’

ವಿಜ್ಞಾನ ಸಮ್ಮೇಳನದಲ್ಲಿ ಬಂದ ಸಂಪನ್ಮೂಲ ವ್ಯಕ್ತಿಗಳೆಲ್ಲಾ, ಎಲ್ಲದಕ್ಕೂ ‘ಶಾಸ್ತ್ರಾ, ಶಾಸ್ತ್ರಾ ಎಂದು ಹೇಳುತ್ತಿದ್ದರು. ಅಂದರೆ, ಭೌತ ಶಾಸ್ತ್ರಾ, ರಸಾಯನ ಶಾಸ್ತ್ರಾ, ಖಗೋಳ ಶಾಸ್ತ್ರಾ ಅಂತ. ಅಲ್ಲಾ, ಯಾಕೋ ನನಗೆ ಈ ಶಾಸ್ತ್ರಾ ಅನ್ನೋ ಪದವೇ ಸಮಂಜಸ ಅಲ್ಲಾ ಅನ್ನಿಸುತ್ತಿದೆ. ಏಕೆಂದರೆ, ವಿಜ್ಞಾನಕ್ಕಿರುವ ಮೂಲಭೂತ ಸ್ವಾತಂತ್ರ್ಯ ‘ಪ್ರಶ್ನೆ’ ಮಾಡುವುದು,
ಯಾವುದಾದರು ವಿಷಯಗಳನ್ನು ಶಾಸ್ತ್ರದ ಪಟ್ಟಿಗೆ ಸೇರಿಸಿದರೆ, ಅದನ್ನು ‘ಪ್ರಶ್ನೆ’ ಮಾಡುವ ಅಧಿಕಾರ ನಮಗೆ ಇರುತ್ತಾ?

ಶಾಸ್ತ್ರಗಳನ್ನು ಪ್ರಶ್ನೆ ಮಾಡೋ ಪರಂಪರೆ ನಮ್ಮಲ್ಲಿದೆ. ಆದರೇ ನೀವು ಹೇಳಿದಂತೆ ಅದಕ್ಕೆ ಪರ್ಯಾಯ ಪದ coin ಮೂಡಬಹುದೇನೋ! ಒಂದು ಹುಟ್ಟು ಹಾಕಿ ನೀವು ಹೊಸ ಪರಂಪರೆಯನ್ನ!
-ಗುರು ಪ್ರಾಸಾದ್ (ಆಕೃತಿ ಪುಸ್ತಕ ಮಳಿಗೆಯ ಓನರ್)

ಈ ಮೊದಲು ವಿಜ್ಞಾನ ವಿಷಯಗಳನ್ನು ಶಾಸ್ತ್ರ ಎಂದೇ ಕರೆಯುತ್ತಿದ್ದರು. ಆ ಪದ್ಧತಿ ತಪ್ಪಿ ಬಹಳ ದಿನಗಳಾಗಿವೆ. Science ವಿಷಯಗಳನ್ನು ವಿಜ್ಞಾನ ವೆಂದು Humanities ವಿಷಯಗಳನ್ನು ಶಾಸ್ತ್ರ ಗಳೆಂದು ಹೆಸರಿಸುತ್ತಾರೆ. ಉದಾ: chemistry,biology, physics, medicine, astronomy ಗಳನ್ನು ಕ್ರಮವಾಗಿ ರಸಾಯನ ವಿಜ್ಞಾನ ಜೀವವಿಜ್ಞಾನ ಭೌತವಿಜ್ಞಾನ ವೈದ್ಯವಿಜ್ಞಾನ ಖಗೋಳ ವಿಜ್ಞಾನ ಎಂಬ ಹೆಸರಿವೆ. Economics political science sociology ಮುಂತಾದವುಗಳನ್ನು ಅರ್ಥ ಶಾಸ್ತ್ರ ರಾಜ್ಯ ಶಾಸ್ತ್ರ ಸಮಾಜ ಶಾಸ್ತ್ರ ಎಂದೇ ಕರೆಯುತ್ತಾರೆ. ಅವುಗಳನ್ನೂ ವಿಜ್ಞಾನ ಎಂದು ಕರೆದರೆ ತಪ್ಪೇನಿಲ್ಲ. ರೂಢಿಯಾಗಬೇಕು ಅಷ್ಟೆ.
-ಕೆ ಪುಟ್ಟಸ್ವಾಮಿ (ಡಾರ್ವಿನ್ನ ‘ಜೀವ ವಿಕಾಸ’ ಪುಸ್ತಕದ ಕನ್ನಡ ಅನುವಾದಕರು ಮತ್ತು ಚಲನ ಚಿತ್ರ  ವಿಮರ್ಶಕರು)

Dear Viswa: Quite often, words that came into usage are retained even when our understanding about it changes over a period of time. Words should not be interpreted literally. For example: The Black Body (in physics) was coined with some meaning in the 1850s. Now, we say that the Sun also is a Black Body eventhough it is anything but black! Well, people could have changed the word ‘Black Body’ with some word that encompasses ALL objects that radiate EM radiation by virtue of their surface temperature. But it was not done for historical reasons. I think one should be trained to interpret meanings of words contextually. So, while ‘Shaastra’ as used in a religious context would mean ‘doing things without questioning, as in a tradition or practice, in the context of subjects like social ‘shaastra’ or Political ‘shaastra’ it must be interpreted as ‘Discipline’. Having said that, I now see a problem with the usage of the word ‘discipline’! At a deeper level it has the connotation of ‘shaastra’! Now, to the use of word ‘science’ as a suffix. The so-called ‘Pure Scientist’ would have a problem with ‘Political Science’ as well. Is social science REALLY a science? Well, highly debatable. In one sense, yes and in another NO. In fact, my daughter who is studying psychology for her Masters’ Degree is in an M Sc course! It is an long-drawn debate whether Psychology qualifies to be a ‘science’. In summary, I would say that there should be no reservation to the usage of words that have come to have a certain meaning in the populace. Alternately, we must educate people about the broader meaning and contextual meaning of such ‘confusing’ words.
-H. R. Madhusudhan (Senior Scientific Officer, Jawaharlal Nehru Planetarium, Bangalore)

ಮಧುಸೂದನ್ ಸರ್ ಸರಿಯಾಗಿ ಹೇಳಿದ್ದಾರೆ. ಅದರ ಜೊತೆಗೆ ಸೇರಿಸಿ ಹೇಳುವುದಾದರೆ, ನಾವು ಯಾವುದನ್ನು ಬೇಕಾದರೂ‍ ಪ್ರಶ್ನಿಸಬಹುದು. ಕರ್ನಾಟಕದ ಇತಿಹಾಸದಲ್ಲಿ ಎಲ್ಲಾ ಬಗೆಯ ಶಾಸ್ತ್ರಗಳಲ್ಲಿ ಹೇಳಿರುವುದನ್ನು ಸಮಯೋಚಿತವಾಗಿ ಪ್ರಶ್ನಿಸಿದವರ ದೊಡ್ಡ ಪಟ್ಟಿಯೇ ಇದೆ. ಹಾಗೆ ಪ್ರಶ್ನಿಸಿದ್ದರಿಂದಲೇ ಕಾಲ ಕಾಲಕ್ಕೆ ಎಲ್ಲಾ ರೀತಿಯಿಂದಲೂ ಎಲ್ಲಾ ಕ್ಷೇತ್ರಗಳಲ್ಲೂ ಬದಲಾವಣೆಗಳಾಗುತ್ತಾ ಬಂದಿವೆ.
ಪ್ರಶ್ನೆ ಮಾಡುವುದು ಬರಿಯ ವಿಜ್ಞಾನ ಕ್ಷೇತ್ರಕ್ಕೆ ಸೀಮಿತವಾದದ್ದಲ್ಲ. ವೈಜ್ಞಾನಿಕ ದೃಷ್ಟಿಕೋನದಿಂದ ಪ್ರಶ್ನಿಸುವುದು, ಪ್ರಶ್ನೆ ಮಾಡುವ ಹಲವಾರು ವಿಧಾನಗಳಲ್ಲಿ ಒಂದು.
ಇನ್ನು ನಮಗೆ ಅಥವಾ ಸಾಮಾನ್ಯರು ಅನ್ನಿಸಿಕೊಳ್ಳುವವರಿಗೆ ಪ್ರಶ್ನೆ ಮಾಡುವ ಅಧಿಕಾರವಿದೆಯೇ? ಖಂಡಿತಾ ಇದೆ. ಆದರೆ ಆ ಪ್ರಶ್ನೆಯನ್ನ ಯಾರ ಮುಂದೆ ಕೇಳಬೇಕು, ಹೇಗೆ ಕೇಳಬೇಕು, ಅನ್ನುವುದು ಮುಖ್ಯವಾಗುತ್ತದೆ. ತೆರೆದ ಮನಸ್ಸಿನಿಂದ ಯೋಚಿಸುವ ವಿದ್ವಾಂಸರ ಮುಂದೆ ಯಾವ ಯೋಚನೆಗಳನ್ನಾದರೂ ಹೇಳಬಹುದು. ನಮ್ಮ ಯೋಚನೆಗಳಲ್ಲಿ ಹುರುಳಿದ್ದರೆ ಅದನ್ನು ಸ್ವೀಕರಿಸಿ ಸರಿಯಾದ ದಿಕ್ಕಿನಲ್ಲಿ ಕೆಲಸ ಮಾಡುವ ಸಾಮರ್ಥ್ಯ ಅಂಥವರಿಗೆ ಇದ್ದೇ ಇರುತ್ತದೆ. ಇನ್ನು ನಮ್ಮ ಪ್ರಶ್ನೆಯಲ್ಲಿ ಸಾರವಿಲ್ಲದಿದ್ದರೆ, ಅಂತಹ ವಿಚಾರಗಳು ಉಳಿಯುವುದಿಲ್ಲ.
ಶಾಸ್ತ್ರಗಳು ಪ್ರಶ್ನಾತೀತ ಅಥವಾ ಕೆಲವೊಂದು ವಿಚಾರಗಳು ಪ್ರಶ್ನಾತೀತ ಎಂದು ಹೇಳುವ ಮೊಂಡ ಮನಸ್ಸಿನ ವಿದ್ವಾಂಸರ ಮುಂದೆ ಪ್ರಶ್ನೆ ಮಾಡುವುದು, ಗೊತ್ತಿದ್ದೂ ಗೊತ್ತಿದ್ದೂ ಕಲ್ಲಿಗೆ ತಲೆ ಚಚ್ಚಿಕೊಂಡಂತೆ!
-ಜಿ. ಕೆ. ಗೀತ (ವಿಜ್ಞಾನ ಸಂಶೋಧನಾ ವಿದ್ಯಾರ್ಥಿ)

ನಿಮ್ಮ ಅಭಿಪ್ರಾಯ/ಚಿಂತನೆಗಳೇನು?
What’s your ‘thought’ on this?
Comment to this article below…

Happy National Science Day 2018
This year theme: Science and Technology for Sustainable Future


Raman Effect and Raman Works

  1. The Raman Effect 
  2. C. V. Raman’s Nobel Lecutre, December 11, 1930
  3. C. V. Raman and His Works- Digital Repository from RRI, Bangalore
  4. A new class of spectra due to secodary radiation (1928)


Viswa Keerthy S
Feb 28, 2018
(The article is an extract from one of my Facebook post)

 

 

‘ಮನೆ’ಯನೆಂದೂ ಕಟ್ಟದಿರು; ‘ಕೊನೆ’ಯನೆಂದೂ ಮುಟ್ಟದಿರು*

ಇಂದು ಭಾರತದಲ್ಲಿ ಬಹಳ ಚರ್ಚೆಯಲ್ಲಿರುವುದು ಪಕ್ಷ, ಜಾತಿ, ಧರ್ಮ (ದೇಶಪ್ರೇಮಿಯೋ ಅಲ್ಲವೋ ಅನ್ನೋದನ್ನ ಅಳೆಯುವ ಮಾಪನ), ರಾಹುಲ್ ಗಾಂದಿ, ಮೋದಿ (& ಶಾ) ಮತ್ತು ಚುನಾವಣೆ & ಇ.ವಿ.ಎಮ್..  ಇವಿಷ್ಟನ್ನು (ಕನಿಷ್ಟ ಯಾವುದಾದರೂ ಎರಡನ್ನು) ಜೊತೆಯಲ್ಲಿ ಸೇರಿಸಿ ಮಾತನಾಡಿದರೆ (ಪರ, ವಿರೋಧವಾಗಿ [ಇವೆರಡೂ ಬಿಟ್ಟು ‘ಮೂರನೆ’ ನಿಲುವ ಪಡೆಯುವ ಹಕ್ಕಿಲ್ಲಾ?]) ಆ ವ್ಯಕ್ತಿಯನ್ನು ನಿಂದಿಸಿ (ಖಾಸಗಿ ಜೀವನವನ್ನು ಬೀದಿಗೆ ಎಳೆತಂದು ದೇಶದುದ್ದಗಲಕ್ಕು ಹರಡಿ), ಅಸಹ್ಯ ವಿವಾದಗಳನ್ನು ಸೃಷ್ಠಿಸುವ ರೀತಿಯಲ್ಲಿ  ಒಂದು ದೊಡ್ಡ ಆಂದೋಲನವಾಗಿರುವುದು ಭಾರತದ ಮಟ್ಟಿಗೆ 21ನೇ ಶತಮಾನದ ಅಮಾನವೀಯ ಕುರುಹುಗಳಲ್ಲಿ ಒಂದು. ಇದರ ಜೊತೆಗೆ ಆಡಳಿತ ಪಕ್ಷವೋ, ವಿರೋಧ ಪಕ್ಷವೋ ಅಧಿಕೃತವಾಗಿ ಏನನ್ನಾದರೂ (ಮೇಲೆ ಪಟ್ಟಿ ಮಾಡಿದ ಪದಗಳ ಬಗ್ಗೆ) ಹೇಳಿದರೆ ಅದನ್ನು ವಿರೋಧಿಸಬೇಕಂತಲೆ ವಿರೋದಿಸುವವರು ಒಂದು ಗುಂಪಾದರೆ, _______ ಮುಕ್ತ ಭಾರತವನ್ನು ನಿರ್ಮಾಣ ಮಾಡಲು ಲೋಕ ಕಲ್ಯಾಣದ ಮಾಂತ್ರಿಕ ಫಾರ್ಮುಲಾ (ಇತಿಹಾಸ, ಸಂವಿದಾನ ಯಾರಿಗೆ ಬೇಕ್ರಿ ತೆಗ್ದಿ ಮೂಲೆಗೆ ಬಿಸಾಕ್ರಿ ಅನ್ನುವಹಾಗೆ) ಗೊತ್ತಿರುವ ಹಾಗೆ ಶತ ಮೂರ್ಖದ ಹೇಳಿಕೆಗಳನ್ನು ನೀಡುವ ಮತ್ತೊಂದು ಗುಂಪುಗಳು ಜನಸಾಮಾನ್ಯರನ್ನು ಸಾಮೂಹಿಕವಾಗಿ (ಬೌದ್ಧಿಕ ಯೋಚನೆಗಳನ್ನು/ಚಿಂತನೆಗಳನ್ನು ಅಥವ ಅವರು ಯೋಚಿಸುವ ಅಧಿಕಾರವನ್ನು ಶಿಕಾರಿ ಮಾಡುತ್ತಿರುವಂತೆ ಕಲ್ಪಿಸಿಕೊಳ್ಳಿ) ಕೊಲ್ಲುತ್ತಿದ್ದಾರೆ. ಕೆಲವರಂತೂ ಸತ್ತೇಹೊಗಿದ್ದಾರೆ (ಲೋಕದಲ್ಲಿ ‘(ಅ)ಶಾಂತಿ’ ಮೂಡಲೆಂದು, ದ್ವೇಷ-ಕ್ರಾಂತಿಯ ಬಗ್ಗೆ ಕೆಲವೊಂದು ಜಾಲತಾಣದಲ್ಲಿ ಬರೆಯುತ್ತಿರುವವರು).  ಇಲ್ಲೆಲ್ಲೂ ಜೀವಪರ, ಆರೋಗ್ಯಕರ (ಬೌದ್ಧಿಕ) ಬದುಕಿಗೆ ಬೇಕಾದ ಚರ್ಚೆ, ವಾದ, ವಿವಾದಗಳಿಗೆ ಆಸ್ಪದವೇ ಇಲ್ಲಾ.  ಇಂತಹ ‘ಕೊಲೆಗಳಿಗೆಲ್ಲಾ’ (ದೈಹಿಕವಾಗಲ್ಲಾ) ಯಾರು ಹೊಣೆಗಾರರು?

ಒಂದು ಬಾರಿ, ಕುವೆಂಪುವಿಗೆ ಕೆಲ ಸಂಘಟನೆಯವರು ಬಂದು ಪುರೋಹಿತಶಾಹಿ ದೋರಣೆಯ ವಿರುದ್ಧ ಒಂದು ಹೊರಾಟ ಮಾಡುತ್ತಿದ್ದೇವೆ, ಅಲ್ಲಿ ಬಂದು ಭಾಷಣ ಮಾಡಿ ನಮ್ಮ ಕಾರ್ಯಾಕರ್ತರನ್ನು ಹುರಿದುಂಬಿಸಬೇಕು ಎಂದು ಅವರನ್ನು ಆಹ್ವಾನಿಸಿದರಂತೆ.  ಎಲ್ಲಾ ಧರ್ಮದ ಪುರೋಹಿತಶಾಹಿಯ ದೋರಣೆಯನ್ನು ವಿರೋದಿಸಿದ ಕುವೆಂಪು, ಹೀಗೆ ಹೇಳಿದರಂತೆ:  “ಬಹಳ ಒಳ್ಳೆ ಕೆಲಸ, ಇಂತಹದೊಂದು ಹೋರಾಟ ಮಾಡಬೇಕು, ಜನರನ್ನು ಈ ಪುರೋಹಿತಶಾಹಿ ಮುಷ್ಠಿಯಿಂದ ಬಿಡಿಸಬೇಕು (ಅಂದರೆ ಅವರ ಯೋಚನೆಗಳು ಬದಲಾಗಬೇಕು)… ನೋಡಿ ಈ ಪುರೋಹಿತಶಾಹಿ ಅನ್ನೋದು ಒಂದು ವ್ಯಾಘ್ರ ಇದ್ದಂತೆ, ಅದನ್ನು ಹೀಗೆ ಬೆಳೆಯಲು ಬಿಟ್ಟರೆ ಒಂದು ದಿನ ನಮ್ಮನ್ನೆಲ್ಲಾ ಕೊಂದಾಕುತ್ತೆ (ಬೌದ್ಧಿಕ ವಿಚಾರಗಳನ್ನು) ಹಾಗಾಗಿ ಅದನ್ನು ಗುಂಡಿಟ್ಟಿ ಸಾಹಿಸಬೇಕು…. [ಅಲ್ಲಿದ್ದವರು ಒಂದು ಕ್ಷಣ ದಂಗಾಗಿ, ಇದೇನು ಕುವೆಂಪು ಅವರು ಸಾಯಿಸುವ ವಿಚಾರವನ್ನು ಹೇಳ್ತಾ ಇದ್ದಾರಲ್ಲಾ ಅಂತ ಯೋಚಿಸುತ್ತಿದ್ದಂತೆ..] ಆದರೆ, ಅದಕ್ಕೆ ತಗಲುವ ಗುಂಡು ಎರಡನೇ ಗುಂಡಾಗಿರಬೇಕು!  ಮೊದಲನೇ ಗುಂಡು ನಿಮ್ಮ ನಿಮ್ಮ ಮೆದುಳುಗಳಿಗೆ ಹೊಡೆದುಕೊಳ್ಳಬೇಕು…”

ಮತ್ತೊಮ್ಮೇ ಅದೇ ಪ್ರಶ್ನೆಯನ್ನು ಕೇಳುವೇ “ಈ ಕೊಲೆಗಳಿಗೆ ಮತ್ತು ಈಗಾಗಲೇ ಸತ್ತುಹೊಗಿರುವವರಿಗೆ ಯಾರು ಹೊಣೆಗಾರರು?” ಅವರುಗಳನ್ನು ಈ ಮಟ್ಟಕ್ಕೆ ತಂದ ‘ವ್ಯಾಘ್ರ’ ಎಲ್ಲಿ ಕೂತಿದೆ?

ಅಂದಹಾಗೇ, ದೇಶಪ್ರೇಮವನ್ನೇ ಮರೆತಿದ್ದೇ.  ಹೌದು, ದೇಶಪ್ರೇಮವೆಂದರೆ, ನೀವು ಆ ರಾಷ್ಟ್ರದ ಧ್ವಜವನ್ನು, ರಾಷ್ಟ್ರಗೀತೆಯನ್ನು ಮತ್ತು ಇತರೆ ರಾಷ್ಟ್ರ_____ ಗಳನ್ನು ಗೌರವಿಸುವುದು.  ಮತ್ತು ಆ ದೇಶವು  ‘ಒಂದು’ ಧರ್ಮದ್ದಾಗಿರಬೇಕು ಹಾಗೂ ಅವರು/ಅದು ಸೂಚಿಸಿದ ಕೆಲವು ‘ರಾಷ್ಟ್ರೀಯ-ಗೀತೆಗಳನ್ನು’ ಹಾಡಲೇಬೇಕು ಹಾಗೂ ಅದಕ್ಕೆ ಗೌರವ ಕೊಡಲೇಬೇಕು.  ಇದರ ಜೊತೆಗೆ, ಆಳುವ (ವಿಪಕ್ಷಗಳೂ ಸೇರಿಸಿಕೊಳ್ಳಿ) ಸರ್ಕಾರಗಳಿಗೆ ಹಾಗೂ ‘ನಂಬಿರುವ’ ಧರ್ಮಗಳ ಬಗ್ಗೆ ವಿಮರ್ಷೆ, ಟೀಕೆ ಮಾಡಬಾರದು.  ಅಕ್ಕಸ್ಮಾತ್ ಮಾಡಿದರೆ, ದೇಶದ ಯಾವ ಮೂಲೆಯಿಂದ ಬೇಕಾದರೂ ಮಾಡಿದವರಿಗೆ ಬಿರುದನ್ನು ಕೊಟ್ಟು, ಅವರ ಕೆಲವು ಅಂಗಾಂಗ (ತಲೆ, ಕಾಲು, ಕೈ, ನಾಲಿಗೆ ಇತ್ಯಾದಿ) ತೆಗೆಯಲು ಸಾರ್ವಜನಿಕವಾಗಿ ಸುಪಾರಿ (ಬಹುಮಾನ) ಕೊಟ್ಟು ಗೌರವಕೊಡುವ ಪದ್ದತಿಯನ್ನು ಬೆಳಸಿಕೊಂಡು ಬರಲಾಗಿದೆ (ಇತ್ತಿಚಿನ ದಿನಗಳಲ್ಲಿ ವ್ಯಾಪಕವಾಗಿ ಹರಡುತ್ತಿರುವ ರೋಗ).  ಇದರೊಂದಿಗೆ ‘ಕೆಲವು’ ನ್ಯಾಯಾಧೀಶರು ಕೂಡ “ನ್ಯಾಯಕ್ಕಿಂತಲೂ ದೊಡ್ಡದಾಗಿರುವ ಧರ್ಮ(?)”ವನ್ನು ಅನುಸರಿಸಿ ‘ಕೆಲವು’ ವಿಚಾರಣೆಗಳಿಂದ ಹಿಂದೆ ಸರಿದು ಧರ್ಮನಿಷ್ಠೆ (ದೇಶಪ್ರೇಮವನ್ನು) ಹೆಚ್ಚಿಸಿದ್ದಾರೆ.  ಹೀಗೆ ನಾವು ನಮ್ಮ ದೇಶಪ್ರೇಮವನ್ನು ತುಂಬ ಕಷ್ಟಪಟ್ಟು ಉಳಿಸಿ ಬೆಳೆಸಿಕೊಂಡುಹೊಗುತ್ತಿದ್ದೇವೆ.

ಭೂಮಿಯ ಅಸಂಖ್ಯ ಜೀವರಾಶಿಗಳಲ್ಲಿ ಮನುಷ್ಯನೊಬ್ಬ ಬಿಟ್ಟು ಉಳಿದೆಲ್ಲಾ, ಅಂದರೆ ಪ್ರಾಣಿ, ಪಕ್ಷಿ, ಕೀಟ ಮತ್ತು ಸಸ್ಯ ಪ್ರಭೇದಗಳು ದೇಶವನ್ನು (ಮನುಷ್ಯಮಾಡಿರುವ ಕಾಲ್ಪನಿಕ ರೇಖೆ) ಮೀರಿ ಭೂಮಿಯ ಮೇಲೆ ನೈಸರ್ಗಿಕವಾಗಿ ವಾಸಿಸುತ್ತಿವೆ. ಇದರಿಂದಲೇ ಭೂಮಿಯು ಇಡೀ ಸೌರಮಂಡಲದ ಗ್ರಹಗಳಲ್ಲಿಯೇ (ಅದರಿಂದಾಚೆಗೂ) ಏಕೈಕ ‘ಜೀವಗ್ರಹ’ವಾಗಿರುವುದು (ಇಲ್ಲಿಯವರೆಗೂ ಕಂಡುಹಿಡಿದಿರುವ ಗ್ರಹಗಳ ಪ್ರಕಾರ).  ಹಾಗಾದರೆ, ದೇಶಪ್ರೇಮ ಎನ್ನುವ ಭಾವನೆ ಮನುಷ್ಯನಿಗೊಬ್ಬನಿಗೆ ಮಾತ್ರವಿದೆ ಬೇರೆ ಯಾವ ಜೀವರಾಶಿಗಳಿಗೂ ಇಲ್ಲಾ ಎಂದಾಗಬಹುದಾ? ಭೂಮಿಯ ಯಾವುದೋ ಒಂದು ದೇಶ, ತನ್ನ ಜನಗಳ ಅನನ್ಯ ದೇಶಪ್ರೇಮದಿಂದ (ಮೇಲೆ ಹೇಳಿದ ದೇಶಪ್ರೇಮವಾ?) ಒಂದು ಸೂಪರ್ ಪವರ್ ದೇಶವಾಗಿ, ಅದರಲ್ಲಿರುವ ಜನರೆಲ್ಲರೂ ಸುಭಿಕ್ಷವಾಗಿ (ಅಂದರೆ ಎನು ಎಂಬುದು ಗೊತ್ತಿಲ್ಲಾ…) ಇದ್ದು, ಬೇರೆ ದೇಶದ ______ (ಜನರು, ವಾತವರಣ, ಕಾಡು, ಪ್ರಾಣಿ, ಧರ್ಮ…ಇತ್ಯಾದಿ)  ಹೇಗಾದರೂ ಇದ್ರು ಪರವಾಗಿಲ್ಲಾ… ಅವರೇನಾದ್ರು ನಮ್ಮ ತಂಟೆಗೆ ಬಂದ್ರೆ ಶತ್ರುಗಳನ್ನು (ಯಾರು?) ಹೊಡೆದುರುಳಿಸುವ ಶಸ್ತ್ರಾಸ್ತ್ರಗಳು ಇದ್ದರೆ- ಅಂತಹ ದೇಶದಲ್ಲಿ ‘ಮನುಷ್ಯರಾಗಿ’ (ಅಲ್ಲಾ ಅಲ್ಲಾ ಯಾವುದೊ ಒಂದು ಧರ್ಮದಲ್ಲಿ) ಹುಟ್ಟಿದ ಎಲ್ಲರ ‘ಬದುಕು’ ಸಾರ್ಥಕವಾಗುತ್ತದಾ?

ಓಗ್ಲಿ ಬಿಡಿ, ಅಷ್ಟಕ್ಕೂ ಈ ‘ದೇಶಪ್ರೇಮ’ಅಂದರೆ ಏನು? ಅದು, ಮನುಷ್ಯನು ಕಾಲ ಕಾಲಕ್ಕೆ ವ್ಯಕ್ತಪಡಿಸುವು ಭಾವನೆಯಾ?  ಕಂಡಿತವಾಗಿಯೂ ಅಲ್ಲವೇ ಅಲ್ಲಾ.  ದೇಶ ಎಂದರೆ ಒಂದು ಪ್ರದೇಶ ಮತ್ತು ಆ ಪ್ರದೇಶದಲ್ಲಿರುವ ಜನಗಳು. ಪ್ರೇಮ ಎಂದರೆ ಪ್ರೀತಿ, ಸಮಾನತೆ ಎಂದರ್ಥ.  ಆ ಪ್ರದೇಶದಲ್ಲಿರುವ ಜನರೆಲ್ಲರೂ ಪ್ರೀತಿಯಿಂದ, ಸಮಾನತೆಯೊಂದಿಗೆ ನೆಲದ (ಪ್ರದೇಶದ) ‘ಬದುಕ’ನ್ನು ಕಟ್ಟಿಕೊಳ್ಳುವುದೇ ದೇಶಪ್ರೇಮ!!  ಇಲ್ಲಿ, ಜನರ ಬಾಯಿಂದ ಬಾಯಿಗೆ ಹರಡುವ ಹಾಡುಗಳೆ ರಾಷ್ಟ್ರಗೀತೆಗಳಾಗುತ್ತವೆ,  ಅವರ ಬದುಕಿನ ಕಥೆಗಳೇ ಅಸಂಖ್ಯ ಗ್ರಂಥಗಳಾಗುತ್ತವೆ. ಪ್ರೀತಿ, ಪ್ರೇಮವೇ ಜನರ ಧರ್ಮವಾಗಿರುತ್ತದೆ.  ‘ದೇಶಪ್ರೇಮ’ವೆಂದರೆ ಬರೀ ರಾಷ್ಟ್ರಗೀತೆ, ರಾಷ್ಟ್ರ-ಗೀತೆಗಳನ್ನು ಹಾಡಿದಾಗ, ಅದಕ್ಕೆ ಗೌರವ ತೊರಿಸುವ ಮೂಲಕ ವ್ಯಕ್ತವಾಗುವ ಭಾವನೆಯಂತೂ ಅಲ್ಲಾ.  ಅಥವಾ ಯಾವುದೋ ಒಂದು ಧರ್ಮದವರು ನಾನು ಗೀತೆಗಳನ್ನು ಹಾಡುವುದಿಲ್ಲಾ ಎಂದಮಾತ್ರಕ್ಕೆ- ದೇಶಪ್ರೇಮಿಯಲ್ಲಾ ಅಥವಾ ಒಂದು ಧರ್ಮಕ್ಕೆ ಸೇರಿದವರು ಮಾತ್ರ- ದೇಶಪ್ರೇಮಿಗಳು ಎಂದು ಭಾವನಾತ್ಮಕವಾಗಿ ವಿಂಗಡಿಸುವ ವಸ್ತುವೂ ಅಲ್ಲಾ.  ‘ದೇಶಪ್ರೇಮ’ವೆನ್ನುವುದು ಬದುಕಿನ ದಾರಿ. ಇಂದು ಈ ‘ದೇಶಪ್ರೇಮ’ವನ್ನು ಕೇವಲ ಒಂದು ದೇಶಕ್ಕೆ (ಪ್ರಪಂಚದ ರಾಷ್ಟ್ರಗಳಿಗೆ) ಸೀಮಿತಗೊಳಿಸದೇ, ಅದನ್ನು ‘ವಿಶ್ವಪ್ರೇಮ’ವನ್ನಾಗಿಸುವ ನಿಟ್ಟಿನಲ್ಲಿ ನಾವು (ಎಲ್ಲರೂ) ನಮ್ಮ ಬದುಕನ್ನು (& ಯೋಚನೆಗಳು) ಕಟ್ಟಿಕೊಳ್ಳಬೇಕಿದೆ. ಈ ‘ವಿಶ್ವಪ್ರೇಮ’ವೇ ಮನುಷ್ಯನನ್ನು ಮನುಷ್ಯರನ್ನಾಗಿಸಿ, ಮನುಜಪಥದೆಡೆಗೆ ಕರೆದುಕೊಂಡು ಹೊಗುವ “ವಿಶ್ವಪಥ”ದೃಷ್ಠಿಯನ್ನು ಮೂಡಿಸಿ ಎಲ್ಲರನ್ನು ‘ವಿಶ್ವಮಾನವ’ರನ್ನಾಗಿಸುವ ನಮ್ಮ ಮುಂದಿನ ಆಲೋಚನೆಗಳಿಗೆ ನಾಂದಿಯಾಗಬೇಕಿದೆ.

ಕುವೆಂಪುವಿನ 113ನೇ ಹುಟ್ಟುಹಬ್ಬದ (29.12.2017) ದಿನ ಕಂಡ Google ಪುಟ

ಮಗುವು ಹುಟ್ಟುತ್ತಲೇ ‘ವಿಶ್ವಮಾನ’ವ, ಬೆಳೆಯುತ್ತಾ ನಾವು ಅದನ್ನು ಅಲ್ಪಮಾನವನನ್ನಾಗಿ ಮಾಡಿಬಿಡುತ್ತೇವೆ.  ಅವನನ್ನು ಮತ್ತೆ ‘ವಿಶ್ವಮಾನವ’ನನ್ನಾಗಿ ಮಾಡುವುದು ವಿಧ್ಯೆಯ ಕರ್ತವ್ಯವಾಗಬೇಕು.
ಕುವೆಂಪು (29.12.1904 – 11.11.1994)


ವಿಶ್ವಕೀರ್ತಿ ಎಸ್.
29.12.2017
(*ಶೀರ್ಷಿಕೆಯು ಕುವೆಂಪುನಿವ ವಿಶ್ವಮಾನವ ಪದ್ಯ “ಓ ನನ್ನ ಚೇತನ”ದಲ್ಲಿ ಬರುವ ಸಾಲು)

ನೆನಪು (ಭಾಗ -2)

ಇಂದು,
ಮೂಕವಾಯಿತು ಮಾತು,
ವರಷ ಉರುಳಿತು ಎದರುಗೊಂಡು,
ಮನಸ್ಸಿಲ್ಲದಿದ್ದರೂ ವಿವಶವಾಗಿದೆ ಮನಸ್ಸು,
ಯಾವುದು ಸರಿ, ಯಾವುದು ತಪ್ಪು,
ಯಾರು ಸರಿ, ಯಾರು ತಪ್ಪು,
ನಿರ್ಧರಿಸುವ ಮನಸ್ಸುಇನ್ನು ಉಳಿದಿಲ್ಲಾ.
ಈಗ ಮಾತಿಲ್ಲದಿರಬಹುದು, ದೂರವಿರಬಹುದು,
ಮನದ ಮೂಲೆಯಲ್ಲಿ, ಮೊಳಕೆಯಿಂದ
ಬಂದ ಬಾಲ್ಯದ ನೆನಪು ಯಾರು ಅಳಿಸಿಯಾರು?
….
ಮತ್ತೆ ಬರುವೆ ಬಾಲ್ಯದ ನೆನಪಿನ ಜೊತೆಗೆ,
ಬಾಲ್ಯದ ಮನಸ್ಸಿನ ಜೊತೆಗೆ.

—-
-ವಿಶ್ವಕೀರ್ತಿ ಎಸ್.

ನೆನಪು

ಅಂದು,
ಆಡಿದೆವು ಜಗವಮರೆತಿ,
ಕಲಿತೆವು ಒಟ್ಟಿಗೂಡಿ,
ಹಂಚಿ ತಿಂದೆವು ಒಂದೇ ತಟ್ಟೆಯಲಿ,
ಕಾಲದ ಪ್ರಜ್ಞೆಯೇ ಇಲ್ಲದಂತೆ
ಹರಟೆಹೊಡೆದವು,
ದೊಡ್ಡವರ ಗೋಜಿಗೆ ಹೋಗದೆ
ಕುಣಿದ ಎಷ್ಟೋ ದಿನಗಳು.
ಸಮಯ ಬಂದಾಗ
ದುಃಖದಲ್ಲಿ ಒಂದಾಗಿ,
ನಗುವಲ್ಲಿ ಜೊತೆಯಾಗಿ
ಕಳೆದ ಆ ಸುಂದರ
ದಿನಗಳ ನೆನಪೇ…ಅಮರ.

-ವಿಶ್ವಕೀರ್ತಿ. ಎಸ್

ನೀ ಶಾಂತವಾದರೇ, ಬದುಕು ಸಾಯುವುದು

o-kadale

ಓ ಕಡಲೇ, ಎಲ್ಲಿಂದ ತರುತಿರುವೆ
ಈ ಏರುತಿರುವ ಅಲೆಗಳನ್ನು?
ದೃಷ್ಠಿ ಹರಿಯುವ ತನಕ ಸಮನಾಗಿದ್ದು
ಹತ್ತಿರ ಬಂದಾಗ ಏರುತಿರುವೆ ಏಕೆ?

ಕಾಣದ ಅಂಚಿನಿಂದ ಬರುತಿಹುದು
ನೋವು ನಲಿವಿನ ಅಲೆಗಳು;
ಪ್ರೀತಿ ಧ್ವೇಷದ ಅಲೆಗಳು;
ಬದುಕು ಸಾವಿನ ಅಲೆಗಳು;
ಹಂಚುತಿರುವೆ ಸಮನಾಗಿ
ಯಾರಿಗೂ ಭೇದ ಭಾವ ತೋರದೆ.

ಮೋಡಗಳ ತುದಿಗೆ ಕಿರಣಗಳು ತಾಗಿ
ಹೊಳೆಯುತಿಹುದು ಹೊನ್ನಿನ ಬೆಳಕು,
ಮನಸ್ಸಿನ ಕತ್ತಲೆಯ ರಾಢಿಗೊಳಿಸಿ
ಒಳಗೆ ಮೂಡಿಸಿತು ಬಣ್ಣದ ಕನಸು.

ಹೊಸ ದಿನಕ್ಕೆ ತಯಾರಾಗುವ ಸೂರ್ಯ
ಕಡಲ ಚುಂಬಿಸಿ ಹೊರಟಿಹನು,
ನಮ್ಮಯ ನಾಳೆಯ ಬದುಕಿಗೆ
ಹೊಸ ಚೇತನವ ಮೂಡಿಸಿ ಹೊರಟಿಹನು.

ಅಲೆಯ ಏರುಪೇರುಗಳರಿತು
ಬಾಳುವುದೇ ನನ್ನಿ ಜೀವನ.
ಎಲ್ಲವೂ ಸಮನಾಗಿ ಸ್ವೀಕರಿಸಿ
ಮುಂದೆ ಸಾಗುವುದೇ ಮನುಜ ಮತ;
ಇದೇ ವಿಶ್ವ ಪಥ!

ಓ ಕಡಲೇ, ಎಲ್ಲಿಂದಲಾದರೂ
ಹೇಗಾದರೂ ತರುತಿರು ಅಲೆಗಳ,
ಕಾಣದ ಅಂಚಿಗೆ ತುಡಿಯುವ ಮನಸ್ಸಿಗೆ
ನಿನ್ನ ಈ ಅಲೆಗಳೇ ಸ್ಪೂರ್ತಿ.

ನೀ ಶಾಂತವಾದರೇ, ಬದುಕು ಸಾಯುವುದು.


ವಿಶ್ವ ಕೀರ್ತಿ. ಎಸ್.
01-01-2017
(ಕಾಸರಗೋಡಿನ ಕಡಲ ಕಿನಾರೆಯ ಸ್ಪೂರ್ತಿ)

Photo: Kasargod Beach (Editted in PicsArt).
Photo Credit: Viswa Keerthy S

ನನ್ನೂರು ಅಲ್ಲಿದೆ, ನನಗಾಗಿ ಕಾಯುತಿದೆ

ನನ್ನೂರು ಅಲ್ಲಿದೆ
ಕಣ್ಣು ಹರಿಯುವಷ್ಟು ಕಡಲು
ಮುಗಿಲೆತ್ತರಕ್ಕೆ ಚಾಚಿದ ಮರಗಳು
ಭೂಮಿ ಕಾಣದಷ್ಟು ಹಚ್ಚ ಹಸಿರು
ದಾಹ ಬಾರದಷ್ಟು ನೀರಿನ ಒಡಲು
ಕನಸಿಗೂ ಎಲ್ಲೆ ಸಿಗದಂತಿತ್ತು ನನ್ನ ಊರು
ಅಮ್ಮ, ಅಪ್ಪ, ತಾತ, ಅಜ್ಜಿಯ ಪ್ರೀತಿಗೆ
ಅಣ್ಣ, ತಮ್ಮ, ಅಕ್ಕ, ತಂಗಿಯ ತುಂಟ ಜಗಳಕೆ
ಸಾಕ್ಷಿಯಾಗಿ ನಿಂತ ಪ್ರೀತಿಯ ಗೋಡೆಯ ಸೂರು
ಅದರೊಳಗೆ ದುಂಬಿ ಯಂತೆ ಹಾರುತ್ತಿದ್ದೆ ನಾನು
ಬಲು ಚೆಂದ ಆ ನನ್ನ ಊರು

ಇದೋ ಇಲ್ಲಿ ಬಂದೆ ಕಾಯಕವ ಅರಸಿ
ಜೀವದ ಚಲನೆ ಇಲ್ಲದ ಕಾಂಕ್ರೀಟಿನ ಕಾಡಿಗೆ!
ಎದ್ದು ಬಂದೆ, ಬಂದು ಹೋದೆ, ಹೋಗಿ ಮಲಗಿ
ಜಡ ಹೊಡೆದಿರುವ ಯಂತ್ರದ ಭಾಗವಾಗಿಹೋದೆ!
ಪ್ರೀತಿ ಇಲ್ಲದ ಗೋಡೆಗಳ ಮಧ್ಯೆ ಸಿಲುಕಿ
ನರಳಿ ಅಳುತಿರುವ ಮನದ ರೋಧನವೇ ನನ್ನ ಸಂಗೀತ!
ಎಲ್ಲಿ ನೋಡಿದರಲ್ಲಿ ಸುವಿಯುವುದ ಕಾಂಚಾಣದ ಅಡುಗೆ
ಬಯಸಿದಾಗ ಬರುವುದಿಲ್ಲ ನನ್ನ ಬಳಿಗೆ!
ಹತ್ತು ಹೆಜ್ಜೆಗೆ ಸಮನಾಗಿಹೊಗಿದೆ ನನ್ನ ಒಂದು ಹೆಜ್ಜೆಯ ತೂಕ
ಕೆಲವೊಮ್ಮೆ ಅನ್ನಿಸುವುದೂ ಉಂಟು- ಇದೆಲ್ಲಾ ಬೇಕಾ?
ಆಸೆ ಕಟ್ಟಿಕೊಂಡು ನೆಡೆಯುತಿರುವ ದಾರಿ ಇದು
ಇದು ಅನಿವಾರ್ಯ!

ಮರುಭೂಮಿಯಲಿ ಕೊಂಚ ನೀರು ಸಿಕ್ಕಂತೆ ಸಿಕ್ಕಿದರು
ಎಲ್ಲಿಂದಲೋ ಬಂದ ದೋಸ್ತಿಗಳು
ಸುಖ, ದುಃಖ, ನೋವು ನಲಿವು ನನ್ನ ಜೊತೆ ಹಂಚಿ ಉಂಡರು;
ಇಲ್ಲಿ ಕಣ್ಣು ಹರಿಯುವಷ್ಟು ಕಡಲಿಲ್ಲಾ
ಇಲ್ಲಿ ಮುಗಿಲೆತ್ತರಕ್ಕೆ ಚಾಚಿದ ಮರಗಳಿಲ್ಲಾ
ಇಲ್ಲಿ ದಾಹ ಬಾರದಷ್ಟು ನೀರಿನ ಒಡಲಿಲ್ಲಾ
ಪ್ರೀತಿಯ ಗೋಡೆಯ ಸೂರಿಲ್ಲಾ
ಆದರೆ, ಆ ನನ್ನ ಕಡಲು, ಆ ನನ್ನ ಮರಗಳು,
ಆ ನನ್ನ ನೀರಿನ ಒಡಲು, ಆ ನನ್ನ ಸೂರು
ಎಲ್ಲವೂ ಇಲ್ಲಿ ಸಿಕ್ಕ ಈ ಜೀವದ ದೊಸ್ತಿಗಳು!
ಮರೆಯಲಾರೆ ನಾ ಅವರನ್ನು ಮರೆಯಲಾರೆ
….
ಆದರೂ…
ನನ್ನೂರು ಅಲ್ಲಿದೆ ನನಗಾಗಿ ಕಾಯುತಿದೆ.

ವಿಶ್ವಕಿರ್ತಿ ಎಸ್
ವಿಶ್ವ ಪರಿಸರ ದಿನದ ವಿಶೇಷ (ಜುನ್ ೫, ೨೦೧೬)
[ದೂರದಿಂದ ಬಂದು ಸಿಲಿಕಾನ್ ಸಿಟಿ ಎಂಬ ಬಿರುದು ಪಡೆದ  ಬೆಂಗಳೂರಿನಲ್ಲಿ ನನ್ನ ಜೊತೆ ಕೆಲಸ ಮಾಡುತ್ತಿರುವ ನನ್ನ ಸ್ನೇಹಿತರ ಬಗ್ಗೆ ಬರೆದ ಪದ್ಯ]

ಬದುಕಿನ “ತಿಥಿ”

Thithi
ತಿಥಿ ಚಿತ್ರದ ಒಂದು ಸನ್ನಿವೇಶ

ಭಾರತೀಯ ಸಿನಿಮಾ ರಂಗದಲ್ಲಿ ಒಂದು ಐತಿಹಾಸಿಕ ಮೈಲಿಗಲ್ಲನ್ನು ಮುಟ್ಟಿದ ಸಿನಿಮಾ ಎಂದರೆ ಅದು ತಿಥಿ.  ಸಿದ್ಧ ಉಡುಪುಗಳಂತಿದ್ದ ಸಿನಿಮಾ ನೋಡುವ ರೀತಿ ಮತ್ತು ಸಿನಿಮಾ ಮಾಡುವ ರೀತಿ, ಎರಡನ್ನು ಒಡೆದುಹಾಕಿ ಹೊಸ ರೀತಿಯ ಅನುಭವವನ್ನು ಕಟ್ಟಿದ ಹೆಮ್ಮೆ ಈ ಸಿನಿಮಾಗೆ ಸೇರುತ್ತದೆ.  ದೇಶ, ಕಾಲಗಳನ್ನು ಮೀರಿ, ಮನುಷ್ಯ ಜೀವಿಗಳ ಸಂಭಂದಗಳನ್ನು, ಬೆಳ್ಳಿ ತೆರೆಯ ಬಣ್ಣ-ಅರಿಯದ ಬಳಗದಿಂದ ಸ್ವಾಭಾವಿಕವಾಗಿ ಹೊರತಂದಿರುವುದು ಅದ್ಭುತವೇ ಸರಿ.

ಬಹುಶಃ ಒಂದು ಸಿನಿಮಾ ಎಂದರೇ- ಕ್ಯಾಮರಾ ತೋರಿಸುವ ಜಗತ್ತು ನಮ್ಮ ಕಣ್ಣ ಮುಂದಿರುತ್ತದೆ.  ಕ್ಯಾಮರಾ ಏನನ್ನು ತೋರಿಸುತ್ತದೋ ಅದನ್ನು ಮಾತ್ರ ನಾವು ನೋಡಬಹುದು.  ಈ ರೀತಿಯ ಕಟ್ಟುಪಾಡುಗಳನ್ನು ಒಡೆದಿರುವ ತಿಥಿ, ಕ್ಯಾಮರಾ ಎನ್ನುವ ಒಂದು tool ಇಲ್ಲದೆಯೇ ನೇರವಾಗಿ ನಮ್ಮ ಕಣ್ಣಿನಿಂದ ಸಿನಿಮಾವನ್ನು (ಬದುಕನ್ನು) ನೋಡುವ ಅನುಭವ ಕಟ್ಟಿಕೊಡುತ್ತದೆ.  ಇಷ್ಟುದಿನ ಕ್ಯಾಮರಾ ಕಟ್ಟಿಕೊಟ್ಟ ಬದುಕಿನ ಅನುಭವದ ಮೂಟೆ ಹೊತ್ತಿದ್ದೆವು, ಕ್ಯಾಮಾರಾ ಪಕ್ಕಕ್ಕೆ ಇಟ್ಟಾಗ ಕಾಣುವ ನೈಜ ಬದುಕಿನ ಅನಾವರಣ- ನಮ್ಮ ಒಳಗೇ ಇರುವ, ಇಷ್ಟು ದಿನ ಕಾಣದಿದ್ದ ಜಗತ್ತಿಗೆ ಕರೆದುಕೊಂಡು ಹೊಗುತ್ತದೆ.  ತಿಥಿ ಸಿನಿಮಾದ ವಿಶೇಷ ಇದೇ ಇರಬಹುದು ಎಂಬುದು ನನ್ನ ಅನಿಸಿಕೆ.

13174026_10209425162564077_2001680043812246229_nಇಡೀ ಬದುಕಿನ ಕಥೆಯನ್ನು, ತೆರೆಯ ಮೇಲೆ ಮೂರು ನಿಮಿಷ ಬರುವ ಸೆಂಚುರಿ ಗೌಡ (101 ವರ್ಷ), ನಾಲ್ಕು dailogueನಲ್ಲಿ ಹೇಳಿ ಮುಗಿಸಿ ಸಾಯುತ್ತಾನೆ.  ಅವನು ಸತ್ತ ಹನ್ನೊಂದನೆಯ ದಿನಕ್ಕೆ, ಅವನ ಮೂರು ತಲೆಮಾರಿನ ಮಕ್ಕಳು (ಸೆಂಚುರಿ ಗೌಡನ ಮಗ ಗಡ್ಡಪ್ಪ; ಗಡ್ಡಪ್ಪನ ಮಗ ತಮ್ಮಣ್ಣ; ತಮ್ಮಣ್ಣನ ಮಗ ಅಭಿ) ಸೇರಿ ತಿಥಿ ಮಾಡುವುದೇ ಕಥೆಯ ಸಾರಾಂಶ.  ಬದುಕಿನ ಅನೇಕ ತುಡಿತಗಳನ್ನು ತನ್ನದೇ ಆದ ವಿಶಿಷ್ಟ ಶೈಲಿಯಲ್ಲಿ ಮಾತನಾಡಿಸಿದವರಿಗೆ ಮಾತ್ರ ಉತ್ತರ ಕೊಟ್ಟು ಊರಲ್ಲಾ ಅಲೆಮಾರಿಯಂತೆ ತಿರುಗಾಡುವ ಪಾತ್ರ ಗಡ್ಡಪ್ಪ. ಅಭಿ, ತಮ್ಮಣ್ಣ ಮತ್ತು ಗಡ್ಡಪ್ಪರನ್ನು ಮನುಷ್ಯನ ಜೀವಿತಾವಧಿಯ ಮೂರು ಭಾಗಗಳಾಗಿ ಬಿಂಬಿಸಿ, ಅವರರ ಆಸೆ, ಆಕಾಂಕ್ಷೆಗಳನ್ನು ಅಷ್ಟೇ ನಾಜೂಕಾಗಿ ಸಿನಿಮಾದಲ್ಲಿ ಚಿತ್ರಿಸಲಾಗಿದೆ.  ಇಡೀ ಚಿತ್ರವನ್ನು ಮಂಡ್ಯ ಜಿಲ್ಲೆಯ ನೊದೆಕೊಪ್ಪಲು ಗ್ರಾಮದಲ್ಲೇ, ಆ ಗ್ರಾಮದ ಜನರನ್ನೇ ಪಾತ್ರಧಾರಿಗಳನ್ನಾಗಿ ಬಳಸಿಕೊಂಡು, ಹಳ್ಳಿಯ ಸೂಕ್ಷ್ಮ ಎಳೆಗಳನ್ನು ಚಿತ್ರಿಸಿರುವುದನ್ನು ಪ್ರಶಂಸಿಸಲೇ ಬೇಕು.

ಸಣ್ಣ ಕುರಚಲು ಹುಲ್ಲಗಾವಲು, ಒಂದು ಬದಿಯಲ್ಲಿ ಒಂಟಿ ಮರ, ಗಡ್ಡಪ್ಪ ಆಕಡೆಯಿಂದ ರಭಸವಾಗಿ ಬಂದು, ಮರದ ಬಳಿ ನಿಂತು, ಏಲ್ಲೋ ನೋಡುತ್ತಾ, ಬಂದ ದಾರಿಯಲ್ಲೇ ಹೋಗಿ ಮತ್ತೆ tiger brandನ್ನು ಕೈಯಲ್ಲಿ ಹಿಡಿದು ಕುಡಿಯುತ್ತಾ ಬರುವುದನ್ನು ಕಂಡರೆ, ಬದುಕಿನ ಅದೆಷ್ಟೋ ಮಜಲುಗಳನ್ನು ಪುಟಗಟ್ಟಲೆ ವಿಮರ್ಶಿಸಬಹುದಾದು ಅನುಭವವನ್ನು ನಮ್ಮಲ್ಲಿ ಮೂಡಿಸುತ್ತದೆ.  ಇಡೀ ಸಿನಿಮಾದ ಪೂರ್ತಿ ಗಡ್ಡಪ್ಪ ಒಂದು ಪಾತ್ರವಾಗದೆ, ಬದುಕಿಗೆ ಬೇಕಾದ ಉಸಿರಾಟದ ಗಾಳಿಯಂತೆ ನಿರಂತರವಾಗಿ ಚಲಿಸುತ್ತಿರುತ್ತಾನೆ.  ಸಿನಿಮಾ ಮುಗಿದ ಮೇಲೂ ಗಡ್ಡಪ್ಪನ ಪಾತ್ರ, ಅವನ ಮಾತು, ಅವನ ಯೋಚನೆ ಅವಿಸ್ಮರಣೆಯಾಗಿ ಉಳಿಯುವುದರಲ್ಲಿ ಸಂದೆಹವಿಲ್ಲಾ.

ಸಿನಿಮಾದ ಮಧ್ಯದಲ್ಲಿ ಬರುವ ಗಡ್ಡಪ್ಪನ ಕಥೆ- ಆ ಕಥೆಯು ಬದುಕಿನ ಅರ್ಥವನ್ನು ಕಟ್ಟಿ ಕೊಡುವ ರೀತಿ ಅದ್ಭುತವಾಗಿ ಮೂಡಿಬಂದಿದೆ.  ಆ ಕಥೆಯೊಂದೇ ಸಾಕು ತಿಥಿಯನ್ನು ಹಾಡಿ ಹೊಗಳಿ ವರ್ಣಿಸುವುದಕ್ಕೆ.  ತಿಥಿ ಸಿನಿಮಾದ ಬಗ್ಗೆ ಎಷ್ಟು ಬರೆದರೂ ಸಾಲದು.  ತಿಥಿ ಒಂದು ಅನುಭವ.   ಆ ಅನುಭವವನ್ನು ನೋಡಿ ಅನುಭವಿಸಲೇ ಬೇಕು.

ಪ್ರತಿಯೊಬ್ಬ ಮನುಷ್ಯನ ಅಂತ್ಯ ಸಾವು ನಂತರ ಅವನ ತಿಥಿ.  ಆದರೆ ಈ “ತಿಥಿ” ಬದುಕಿನ ತಿಥಿ!  ನೀವು ಸಿನಿಮಾ ಪ್ರಿಯರಾದರೇ, ತಿಥಿ ನೀವು ನೋಡಲೇಬೇಕಾದ ಸಿನಿಮಾ!!

ಅಂದಹಾಗೆ ಇದು ಕನ್ನಡ ಚಿತ್ರ ಎನ್ನುವುದು ನಮಗೆ ಹೆಮ್ಮೆಯ ವಿಚಾರಾ.  ಹಾಗೆಯೇ ತಿಥಿ- ಒಂದು ದೇಶ, ಒಂದು ಭಾಷೆಯನ್ನು ಮೀರಿದ ಚಿತ್ರವೂ ಹೌದು.  ಯಾವ ದೇಶಕ್ಕೆ ಹೊದರೂ, ಯಾವ ಭಾಷೆಯೇ ಆದರೂ ಮನುಷ್ಯನ ಬದುಕು ಒಂದೆ ಅಲ್ಲವೇ?

ಇಂತಹ ಒಂದು ಸಿನಿಮಾ ನೀಡಿದ ರಾಮರೆಡ್ಡಿ ಮತ್ತು ಈರೇಗೌಡರವರಿಗೆ ಧನ್ಯವಾಧಗಳು.

Awards for Thithi

Locarno International Film Festival (2015)
Mumbai Film Festival (2015)
Best Kannada Film (2015) by Karnataka Government
Palm Springs International Film Festival (2016)
Pune International Film Festival (2016)
San Francisco International Film Festival (2016)

Official Trailer of Thithi


ವಿಶ್ವಕೀರ್ತಿ ಎಸ್

ನನ್ನ ಪರೀಕ್ಷೆಯ ಪಲಿತಾಂಶ

ಕಾಣುವ ಪುಸ್ತಕಗಳನ್ನೆಲ್ಲಾ
ಓದಿ ಮುಗಿಸಾಯ್ತು
ನಿದ್ರಿಸುವ ದಿನವೆಲ್ಲಾ
ಏದ್ದಿ ಬರೆದಾಯ್ತು

ಕಾಡುವ ಲೆಕ್ಕಗಳನ್ನೆಲ್ಲಾ
ಕಂಡು ಹಿಡಿದಾಯ್ತು
ಬರುವ ಪರೀಕ್ಷೆಗಳನ್ನೆಲ್ಲಾ
ಗೀಚಿ ಬರೆದಾಯ್ತು
ಆದರೂ ಇನ್ನು ಪಲಿತಾಂಶವಿಲ್ಲಾ

ನಮ್ಮ ಉತ್ತರಗಳಿಗೆ
ಸೂಕ್ತ ಪ್ರಶ್ನೆ ಪತ್ರಿಕೆಗಳೇ ಇಲ್ಲಾ
ಅದಕ್ಕೆ….
“ನನಗಿನ್ನು ಪಲಿತಾಂಶವೇ ಇಲ್ಲಾ”


ವಿಶ್ವಕೀರ್ತಿ ಎಸ್

ಮನಸ್ಸಿನ ಕೂಗು

ಕಣ್ಣಂಚಿನ ಹನಿಯು ಹೇಳುತಿದೆ
ನಾ ನಿನ್ನ ಕಂಡೆ ಎಂದು
ತುಟಿಯಂಚಿನ ನಗುವು ಹೇಳುತಿದೆ
ನಾ ನಿನ್ನ ಬಲ್ಲೆ ಎಂದು
ರಾತ್ರಿಯ ಕನಸೆಲ್ಲವೂ ಹೇಳುತಿದೆ
ನೀ ನನ್ನ ಕನಸು ಎಂದು
ಪ್ರತಿ ಹೃದಯದ ಬಡಿತ ಹೇಳುತಿದೆ
ನೀ ನನ್ನ ಜೀವ ಎಂದು
ನನ್ನ ಪ್ರೀತಿಯ ಮನಸ್ಸು
ಕೂಗಿ ಕೂಗಿ ಹೇಳುತಿದೆ
ಇಲ್ಲಿ ಯಾರು ಇಲ್ಲ ಎಂದು


ವಿಶ್ವಕೀರ್ತಿ ಎಸ್